Македонија и секој аспирант за членство во Европската Унија да биде оценуван согласно постигнувањата и реформите, а не некоја од земјите членки да го злоупотребува членството и да е опседната со менување на нечив нацонален и културен идентитет. Ова е главната порака која денеска беше испратена во Собранието од дебатата на тема регионална соработка и интеграција во ЕУ.
-И секоја земја членка треба да биде и продуктивно критична, да имаме повеќе реформи на институциите, но тоа што сметаме дека не треба да е случај е земја членка на ЕУ да биде опседната со тоа како да направи „реформи“ на нечив национален или културен идентитет, изјави потпретседателот на Собранието, Антонио Милошоски.
А Македонија добро работи на реформскиот пат, што покажуваат и извештаите од Брисел. Европската комисија ги препознава Македонија, Албанија и Црна Гора како најдобри во имплементацијата на планот за раст, што носи пристап до повеќе пари од европските фондови.
-Финансиите ќе бидат ослободени во моментот кога ќе се спроведат реформите. Во моментов Европската Унија ја договара повеќегодишната законска рамка, што во превод значи одговор на прашањето како ќе се распореди европскиот буџет, изјави истаражувачот од ЕПИ, Стефан Ристовски.
Во Собраните сите се согласија дека треба активно да продолжи соработката во напредокот кон ЕУ, за што е и потребна посилна и поблиска соработка меѓу Парламентите од сите земји аспиранти за членство од регионот.
Матеја Петровски
