Со годишна инфлација од 2,6% и месечна од само 0,4%, Македонија е меѓу европските држави со најниски стапки на инфлација, кои најдобро се справуваат со надворешните притисоци. Ова е оценката на премиерот Христијан Мицкоски, кој вели дека со макотрпна работа, одговорни политики и конкретни мерки можат да се постигнат резултати.
За него, стабилизацијата на цените е мотив Владата да продолжи со работа и во периодот што следи. Мицкоски порача – целта е Македонија да има стабилна економија, повисок животен стандард и да стане уште подобро место за живеење.
