Млада жителка на светиниколското село Црнилиште го загуби животот во сообраќајна несреќа отако вчера околу 22 часот со возило излета од локалниот пат меѓу селата Пиширово и Црнилиште.
-На локалниот пат меѓу селата Пиширово и Црнилиште, 19-годишната Т.Д. од село Црнилиште, светиниколско, управувајќи патничко возило „сеат“ со светиниколски регистарски ознаки, излетала од патот. Од здобиените повреди на местото на настанот, Т.Д. починала, соопшти МВР.
Лекар од Итната медицинска помош констатирал смрт, а по наредба на јавен обвинител телото на починатата е предадено за обдукција.
Извршен е увид од увидна екипа на ОВР Свети Николе.
