Густ чад на средно Водно. Се запали автобус на ЈСП кој возел на линија број 25. За среќа во автобусот немало патници, а возачот со својата брза реакција, спречил пожарот да се прошири на околната вегетација. Пожаникарите веднаш по пријавата пристигнале на местото на настанот.
-Во 10 часот и 40 минути добиена е дојава за настанат пожар на автобус на ЈСП на правецот Водно- Скопје веднаш беа пратени две противпожарни возила од центарот во Тафталиџе кои со самото пристигнување затекнале автобус кој бил опожарен во делот кај моторот– истакна команридот на противпожарната бригада Sвонко Тоневски
Во гаснењето на пожарот учествувале две возила и седум пожарникари од Скопската бригада за противпожарна заштита.
– Интервенцијата траеше доста кратко, брзо е изгаснат. Немало патници, немало повредени лица сем материјална штета. Интервенцијата е завршена во 12 часот– истакна команридот на противпожарната бригада Sвонко Тоневски
Според првичните неофицијални информации, причина за пожарот е дефект на елетричната инсталација на автобусот.
Надлежните служби на Јавното сообраќајно претпријатие „Скопје“ ги спроведуваат сите неопходни проверки за точно да се утврди од што пламнал автобусот.
„Ќе биде утврдена точната причина за пожарот, а јавноста навремено и целосно ќе биде информирана. Безбедноста на патниците е и секогаш ќе биде наш највисок приоритет. Нема поважна обврска од грижата за човечкиот живот и затоа секој ваков настан го третираме со највисоко ниво на сериозност и одговорност“,соопштија од ЈСП.
Скопјапни ги вознемири и веста за запален автомобил кај трговскиот центар „Мавровка“.Според информациите од МВР, возилото се запалило во движење и нема повредени. По интервенција на пожарникарите, пожарот е изгаснат.
