Општина Карпош целосно ги реновираше улиците „Трифун Бузев“ во населбата Карпош 4 и „Атинска“, во населбата Тафталиџе 1 – соопшти денеска општинската прес-служба.
Освен поставување на асфалтен слој од 559 м2 на ул. „Трифун Бузев“, со 80 метри на големиот рабник и 80 метри на малиот рабник, на оваа улица, како што информираат, се постави нов асфалтен слој и на паркинзите кои се наоѓаат во нејзината непосредна близина .
На првиот паркинг се поставени 540 м2 нов асфалтен слој (голем рабник 145 метри, мал рабник 54 метри), а на вториот од 534 м2 (голем рабник 130 метри, мал рабник 29 метри).
– Улицата „Атинска“ во должина од 434 метри со дополнителни 20 метри, беше целосно реновирана со поставување на асфалт од 3.107м2 и нов асфалтен тротоар од 565 м2. На истата улица, се асфалтираа 648метри (голем рабник), како и 211 метри (мал рабник) – се вели во соопштението.
Општина Карпош најавува дека и во иднина ќе инвестира сопствени средства од својот буџет, како и финансиски средства, добиени од други извори за реновирање, реконструирање и ревитализација на инфраструкрурната мрежа на целата нејзина територија, по претходно приоритетно утврдени и мапирани локации.
