Црвениот крст – Општинска организација Кочани денеска ја реализираше редовната крводарителска акција во месец август. Крв даруваа 31 крводарител од кои пет млади лица до 30 годишна возраст.
Крв даруваше и долгогодишниот крводарител од Кочани, Тони Глигоров, кој со денешното дарување се приклучи во клубот на дарители со 100 пати дарувана крв.
Акцијата е единаесетта што ја спроведува Црвен крст Кочани во тековната година и таа се одржа со поддршка на екипа од Институтот за трансфузиона медицина – Скопје.
Граѓаните може да даруваат крв секој последен четврток во месецот во Црвен крст Кочани или секој понеделник и четврток во Службата за трансфузиона медицина во кочанската болница.
