Амбасадорката на Сојузна Република Германија, Петра Дрекслер, денеска престојуваше во работна посета на Општина Радовиш, објави на неговиот фејсбук профил градоначалникот, Љупче Почивалец.
-Разговаравме за можностите за воспоставување и продлабочување на соработката со германските институции и партнери, особено во насока на поддршка на локалниот развој, привлекување нови можности и реализација на проекти кои ќе придонесат за подобар и поквалитетен живот на граѓаните, напиша радовишкиот градоначалник.
Покрај официјалната средба во Општина Радовиш, амбасадорката Петра Дрекслер го посети и храмот „Света Троица“, еден од најзначајните духовни и културно-историски симболи на Радовиш.
