Се уредува дворот на велешкото ООУ „Блаже Конески“

Во тек е реконструкција на училишниот двор во велешкото Општинско основно училиште  „Блаже Конески“, каде што се врши бетонирање и уредување на просторот.

Како што информираат од Општина Велес, по завршување на градежните активности ќе биде изведено и ново детско катче со лулашки и реквизити. Со тоа учениците ќе добијат безбеден и уреден простор за игра, дружење и активности на отворено.

Од  Општина Велес најавуваат дека продолжуваат да вложуваат  во создавање подобри услови за најмладите-децата.