Министерот за правда, Јетон Шасивари, оствари средба со јапонската амбасадорка Сецуко Кавахара, при што беше потврдена заедничката определба за понатамошно унапредување на билатералната соработка и пријателските односи меѓу двете држави.
Во текот на разговорите, како што соопшти Министерството за правда, акцентот бил ставен на реформската агенда, зајакнувањето на владеењето на правото и активностите поврзани со изборното законодавство.
На средбата било оценето дека меѓу двете земји нема отворени прашања, што претставува цврста основа за натамошно продлабочување на партнерството.
– Во наредниот период ќе се интензивира размената на искуства и добри практики, како и поддршката на реформските процеси насочени кон зајакнување на правната сигурност и унапредување на демократските стандарди, се додава во соопштението
