Општина Тетово со промотивен настан го означи завршувањето на реконструкцијата на улицата „Михајло Рајчевиќ“. Станува збор за улица од 604 метри должина, а вредноста на реконструкцијата изнесува 14.944.739 денари.
-Денес сме среќни што во ова централно градско подрачје промовираме еден важен проект од инфраструктурата, се работи за улицата „Михајло Рајчевиќ“, каде со вкупната инвестиција од 300 илјади евра се изработи подземна инфраструктура за водовод и атмосферска канализација како и асфалтирање. Овој дел од градот сега има нов изглед, ќе се олесни движењето на граѓаните од оваа населба и граѓаните на Тетово кои ќе поминуваат во овој дел. Со оваа инвестција нема да имаме проблем и со атмосферските води и водата за пиење- изјави градоначалникот Биљал Касами. Реконструкцијата почна во октомври 2025 година.
