Градоначалникот на Општина Зрновци, Ванчо Митев, ја назначи Љупка Ѓоргиева Атанасова, член на Советот на Општина Зрновци, за заменик-градоначалник на Општината.
Како што информира Митев, согласно законските прописи, таа ќе ја извршува функцијата градоначалник во случаи на негова спреченост или отсуство подолго од шест месеци, како и во сите други ситуации утврдени со закон. За времето додека ја извршува функцијата заменик-градоначалник, нејзиниот мандат како член на Советот ќе мирува.
-Уверен сум дека со својата посветеност, одговорност и професионален пристап ќе ја извршува оваа функција во согласност со законските надлежности и во најдобар интерес на граѓаните. Продолжуваме заедно да работиме за развојот на Општина Зрновци, водејќи се од принципите на стручност, одговорност и транспарентност- истакна градоначалникот Ванчо Митев.
