Од секојдневните напади на Венко Филипче и СДСМ кон Алфа, до желби и повици за смрт на вработени во телевизијата од анонимни профили на социјалните мрежи.. Последен на листата е Богдан Илиевски. Профил именуван како „Цандо големиот“, алудирајќи на смртта на актерот Гоце Тодоровски и претходно на Ванчо Петрушевски, со фотографија на која се наоѓа и Илиевски, вели дека двајца починале, а останал уште еден.
-Двајца се средени, останува уште еден…, се вели во постот на кој е фотографијата со Илиевски и двајцата актери.
Очигледно реториката на Филипче им дава сила на членовите и симпатизери на СДСМ, да посакуваат смрт и на други од Алфа. Илиевски не е единствен. Истиот профил жали што пред девет години не го ликвидирал уредникот Коле Чашуле.
-Никогаш нема да му простам на Заев што не дозволи ваква стока да биде физички ликвидирана уште летото 2017-та. Досега ќе бевме во ЕУ, се вели во постот со фотографија од Коле Чашуле.
Заканите кон новинари во Алфа, доаѓаат откако Филипче континуирано ја напаѓаше телевиизјата. Сега се отвораат дилеми дали опозицијата го смени методот, па наместо јавно, напаѓа преку ботови.
-И вие ќе се извинувате што ме клеветевте дека имам куќа во Нерези, вие лично и ќе ве ослободам, порача Филипче до новинарот Матеја Петровски.
Инаку, пред четири месеци ТВ Алфа доби кривична пријава од СДСМ за наводно незаконско финансирање. Пред три месеци пак најавена беше и кривична поради објавената златна виза на Венко Филипче, но од истата се уште нема ништо.
Но, тоа не е ништо ново, во владеењето на оваа партија, нашиот медиум секојдневно беше домаќин на финансиските инспектори, кои имаа увид во целата документација за финансиското работење. Алфа беше жртва и на хајки кои ги водеше тогашното СЈО, предовдено од правосилно осудената за криминал Катица Јанева. Но, и при контролите на специјалните обвинители, не беше пронајдена никаква дамка во работењето на телевизијата.
Матеја Петровски