Министерот за односи меѓу заедниците, Агон Ферати остварил работна средба со амбасадорката на Република Словачка во Македонија, Ивета Хрицова.
Како што информираат од неговиот кабинет, на средбата е разговарано за унапредување на билатералната соработка и поддршката на процесите кои го промовираат дијалогот меѓу заедниците, еднаквоста и социјалната инклузија.
Ферати и Хрицова ја оцениле важноста на размената на искуства во спроведувањето на европските стандарди и зајакнувањето на институциите кои придонесуваат за општествената кохезија.
Како што посочуваат од Министерството, на средбата било истакната подготвеноста за интензивирање на соработката во области од заеднички интерес, вклучително и развојот на институционалните капацитети, поддршката на проекти кои промовираат толеранција и различност, како и соработката во рамки на процесот на европска интеграција на Македонија.
Двете страни изразиле уверување дека добрите односи меѓу двете земји создаваат силна основа за нови иницијативи во интерес на граѓаните.