Во селото Мелница во општина Чашка вечер ќе се одржи 4. „Мелничка иселеничка средба 2026“, што традиционално ја организираат иселениците од Мелница кои живеат во Швајцарија, преку Македонското друштво „МАК-МЕЛ“ од Бургдорф заедно со друштвото МЕЛ-МЕЛ и Месната заедница од селото Мелница со поддршка од Општина Чашка.
Како што информираат попладнево организаторите за МИА, програмата и годинава ќе започне во 18.30 часот со дефиле на фолклорните друштва низ главната улица на село Мелница. Во 19.30 во училиштето во село Мелница ќе се одржи промоција на книгата „Мелница низ историјата“ од авторт д-р Драги Наумовски, со потекло на неговото семејство од овој регион.
Свеченото отворање на средбите е од 20 часот на спортскиот терен на ОУ „Тодор Јанев“ во село Мелница. Веднаш потоа ќе се одржи и културно забавната програма со настап на жители од село Мелница, Фолклорниот ансамбл „Керамичар“ од Велес и музичката ѕвезда Анета и бендот.
