Со потпишувањето на договорот за реализација на втората делница од автопатот Скопје–Блаце започнува реализацијата на еден од најзначајните инфраструктурни проекти во државата, оцени денеска градоначалникот на Општина Чаир, Изет Меџити.
Како што соопштија од Општина Чаир, според Меџити, станува збор за инвестиција вредна над 200 милиони евра, која ќе придонесе за подобрување на поврзаноста меѓу Скопје и Приштина, олеснување на сообраќајот и поттикнување на економскиот и регионалниот развој.
– Денес беше потпишан договорот за автопатот Скопје – Блаце. Ние не се мериме со ветувања, туку со потпишани договори, проекти во реализација и конкретни резултати кои остануваат во служба на граѓаните – изјавил Меџити.
Јавното претпријатие за државни патишта и Европската банка за обнова и развој – ЕБОР денеска потпишаа договор за грант за изградба на автопат Скопје – Блаце. Парите за грантот се од Инвестициската рамка на ЕУ за Западен Балкан, во висина од 30,8 милиони евра, а кредитот е 167,6 милиони евра. Договорот го потпишаа директорите на двете институции, Коце Трајановски и Фатих Туркменоглу.
