Општина Чаир, во соработка со ЈП „Комунална хигиена“, вечерва реализираше акција за миење на главните сообраќајници на територијата на општината, со цел отстранување на наносите и нечистотиите што останаа по невремето, информира локалната самоуправа во соопштение.
На терен беа ангажирани две цистерни на ЈП „Комунална хигиена“, кои ги исчистија најфреквентните сообраќајници, со цел враќање на чистотата и функционалноста на улиците.
Општина Чаир, во соработка со ЈП „Комунална хигиена“, ќе продолжи и во наредните денови со слични активности, согласно потребите утврдени на терен.
