По обилните врнежи од дожд, сезонските работници на Општина Чаир, во соработка со екипите на ЈП „Комунална хигиена“, кои биле ангажирани до доцна во ноќта продолжуваат со активности и денеска.
Како што информираат од прес-службата на Општина Чаир, интервенциите се реализираат на улиците и јавните површини низ целата општина, согласно утврдените приоритети и потребите на терен, со цел што побрзо враќање на чистотата и функционалноста.
Паралелно со расчистувањето на теренот, екипите продолжуваат и со собирање и отстранување на кабаст отпад во повеќе населби на Чаир.
Од Општина Чаир посочуваат дека останува посветена на континуирано присуство на терен, со цел обезбедување чисти и функционални јавни површини за сите граѓани.
