Македонската армија останува сигурен и кредибилен дел од НАТО. Државата е цврст и ценет сојузник кој значајно придонесува за колективната безбедност е пораката од Командантот на Сојузничките сили на НАТО за Европа, генералот Алексус Гринкевич. 180 македонски војници се рамо до рамо со колеги од Бугарија, Летонија и Романија долж источното крило на Алијансата и имаат клучна улога во обезбедување и одбраната.
Гринкевич смета дека буџетот кој се издвојува за одбраната или околу 4 проценти од БДП, е значаен придонес во насока на заедничката цел на Алијансата за достигнување 5 проценти до 2035 година.
- „Исто така имав можност да ја погледна исклучително вештата демонстрација пред само неколку минути. Како и способностите и посветеноста кои штотуку ги покажавте со сите војници тука. Едноставно величествено, благодарен сум за се што правите бранејќи ја вашата земја и бранејќи ја Алијансата секој ден“ Алексус Гринкевич – рече командант на Сојузничките сили на НАТО за Европа.
Македонската Армија има важна улога како клучен фактор во регионот и на транспортните коридори порача налалникот на Генералштабот Сашко ЛаФчиски. Процесот на модернизација на Армијата ќе продолжи, а од новата опрема се планираат оклопни возила, артилерски системи, противвоздушни системи, а се очекуваат и италијанските хеликоптери.
- „Македонската Армија денес е модерна, добро опремена и високо обучена. Ова не е само наше видување, туку тоа претставува објективна и потврдена оцена, добиена преку серија на ригорозни проверки на персоналот, опремата и процедурите – истакна началник на Генералштабот Сашко Лафчиски , посочувајќи на сертификацијата на лесната пешадиска баталјонска група во рамки на вежбата „Блесок 26“, како и оценувањето на борбените елементи за специјални операции.
Македонската армија придонесува и во мисиите КФОР во Косово и АЛТЕА во Босна и Херцеговина. За тоа генералот на Алијансата ЗА ЕВРОПА се заблагодари и ја истакна улогата на Македонија во зачувувањето на стабилноста на Западниот Балкан.
Според најавите на претстојниот Самит на НАТО во Анкара сојузниците ќе демонстрираат напредок во зголемувањето на одбранбените вложувања и поддршката за Украина, со цел јакнење на Алијансата.
