Германска амбасадорка Дрекслер во посета на Општина Кумановo, разгледани можности за отворање нови перспективи за соработка

Градоначалникот на Општина Куманово, Максим Димитриевски, денеска имаше средба со Петра Дрекслер, амбасадорка на Германија во државава.

Низ разговорот, како што информираат од Општина Куманово, биле потенцирани пријателските односи меѓу двете земји, меѓусебната соработка во повеќе општествени области и беа разгледани можности за отворање на нови перспективи, кои би биле од значење за граѓаните.