На денешниот настан по повод 34 години од формирањето на УМС на ВМРО-ДПМНЕ, имаше обраќање претседателот на УМС на ВМРО-ДПМНЕ Сергеј Попов како и премиерот и претседател на ВМРО-ДПМНЕ, Христијан Мицкоски.
Претседателот на УМС на ВМРО-ДПМНЕ Сергеј Попов истакна дека Унијата на млади сили е најуспешна и најголема организација поради фактот што се залага за иднината на младите во државата, ги зема во предвид ставовите, идеите и целите на младите луѓе и се насочува кон подобрување на нивните услови за живот во сите сфери од општественото живеење, затоа што младите се иднината на Република Македонија.
Премиерот и претседател на ВМРО-ДПМНЕ, Христијан Мицкоски рече дека кога зборува за приказната наречена УМС на ВМРО-ДПМНЕ, посочувајќи дека на Унијата на млади сили денеска се потпира функционирањето на државата, затоа што голем е бројот на луѓе кои што денеска предводат големи општини кои го поминале својот пат во Унијата на млади сили, се градоначалници, претседавачи на Совети, се директори на јавни претпријатија, пратеници како и министри во Владата која што својата младост ја поминале како дел од унијата.
