🎥 150 нови работни места – втора инвестиција од белгиската „Авеста холдинг“ во Македонија

150 нови високоплатени работни места и инвестиција од 26 милиони евра. „Авеста Холдинг“ ќе гради нова фабрика во Технолошко – индустриската развојна зона во Штип  за производство на напредни батериски системи од најнова генерација за електрична мобилност и стационарни апликации. Ова е втора инвенстиција на компанијата по онаа во Кичево. 

Меѓу клучните фактори кои биле одлучувачки за  компанијата повторно да инвестира во Македонија биле поддршката од Владата како и  транспарентноста, отвореноста и професионалноста од ТИРЗ. Ова било заклучено на состанокот помеѓу Директорот на зоните Гоце Димовски и Ношин Омар сопственикот на Авеста Холдинг во Белгија.  Изградбата на компанијата треба да почне на крајот на годинава.

…Во новата фабрика во ТИРЗ Штип ќе се произведуваат напредни батериски системи од најнова генерација за електрична мобилност и стационарни апликации. Изградбата на новиот производствен капацитет според деловниот се планира да започне крајот на 2025 година, а со неговата реализација ќе се отворат до 150 нови, високоплатени работни места во ТИРЗ Штип. Ова претставува втора по ред инвестиција на белгиската компанија во земјава, што е директен резултат на стабилната бизнис клима, проактивниот пристап на институциите и новите владини политики насочени кон поддршка на инвеститорите…..

Интересот од инвеститорите за задржување на постоечките капацитети, ама и тоа што сакаат да ги прошируваат, ја позиционираат Македонија како атрактивна и предвидлива дестинација за водење бизнис. Првата инвестиција од компанијата во Кичево беше промовирана во декември годинава за производство на електронски батерии за автомобили.  Во првата фаза таму се планираа 10 милиони евра и до 200 вработувања. Инвестицискиот циклус во земјава се очекува да продолжи и да го надмине ланското темпо кога годината ја заокруживме со 1 милијарда и 255 милиони евра . Според владата позитивните перформанси во економијата се резултат на конкретни чекори.

Во првиот квартал годинава БДП е 3.2 отсто, а извозот во првите пет месеци од годинава е за 3,15 проценти поголем споредено со истиот период лани. Економскиот раст до крај на годинава кој е проектиран на 3,7 отсто, а забрзано темпо  во следната година се темели, токму на влезот на инвестициите како и на поттикнување на домашните компании.