Добри вести и од болницата Пирогов во Бугарија. За бугарската телевизија „БТВ“, потврдија дека отпуштено е девојче повредено во пожарот во Кочани. 15-годишното девојче беше примено во болница со тешки изгореници на подлактицата поради што морало да остане на лекување, изјави на 18 март директорот на болницата, д-р Валентин Димитров. Во Бугарија на лекување остануваат 14 од жртвите во пожарот што избувна во дискотеката „Пулс“ во Кочани, пренесе „БТВ“. Осум од нив се во болницата „Пирогов“ и по тројца во болница во Варна и во Пловдив.
