На 18.04.2025 во 21 часот, во СВР Охрид било пријавено дека на улица „Кеј Македонија“ во Охрид, мотоцикл со охридски регистарски ознаки, управуван од 15-годишник од Охрид, удрил во двајца малолетни пешаци и 18-годишната М.И. од Скопје. Потоа, мотоциклистот удрил и во паркирано патничко возило „киа“ со охридски регистарски ознаки, по што го напуштил местото на настанот.
По преземените мерки од полициските службеници, 15-годишникот бил пронајден.
Во несреќата тешки телесни повреди здобила една малолетничка од Охрид, додека другиот малолетник од Скопје, М.И., како и мотоциклистот, се здобиле со полесни повреди. Повредите им биле констатирани во Специјалната болница „Св. Еразмо“ во Охрид, соопшти МВР.
Извршен бил увид од увидна екипа од СВР Охрид.
