📹 Американски сенатори предлагаат огромни царини за земјите кои се снабдуваат со енергенси од Русија

Двајца американски сенатори, предложија закон, кој предвидува  царини од 500 отсто, на увоз на стоки од земји, што продолжуваат да купуваат руски енергенски. Сенаторите Греам и Блументал, првиот Републиоканев а вториотчлен на Демократите, ги информираа европските сојузници на САД и Украина дека законот ќе биде „пресвртна точка“ во економскиот притисок врз Москва.

Мерките најмногу ќе ги засегнат Кина и Индија – двата најголеми клиенти за руските енергетски производи, кои финансираат, како што посочуваат сенаторите, значаен дел од руската воена машинерија.

– Ова не е продолжување на сегашната стратегија. Ова е удар таму каде што најмногу боли – изјави сенаторот Блументал.

Десет милијарди евра помош за обнова на Украина

10 милијарди евра  финансиска подршка доби Украина од меѓународни донатори и институции, на Меѓународната конференција за обнова на Украина, што се одржа од вчера и денеска во Рим. Конференцијата ја отворија италијанската премиерка Џорџа Мелони и украинскиот претседател Володимир Зеленски,а присутни беа и високи политички лидери, кои ги потврдија заложбите за обнова на Украина.

Главна цел на конференцијата беше, на едно место да се соберат банки, компании и глобални организации кои ќе издвојат сретсва за реконструкција на Украина, подготовка на земјата за спроведување на реформи за нејзино интегрирање во Европска Унија.

Премиерот на Албанија Еди Рама, и овој пат не ја пропушти шансата да и оддаде почит на италијанската премиерка Мелони. Тој исто како и пред два месеца за време на самитот во Тирана, клекна пред премиерката на Италија.

Над 60 загинати во израелски воздушен напад во близина на болница во Газа

66 луѓе загинаа, меѓу нив  осум деца, во израелскиот воздушен напад во централниот дел на Газа. Нападот се случил во близина на клиника.

Вработен во службата за итни случаи изјави дека во воздушниот напад што бил извшен изутрината , настрадале 17 луѓе вклучувајќи и осум деца, кои чекале пред влезот на клиниката.

Израелската армија изрази жалење за сите невини жртви и тврди дека тие направиле се што е можно за да ги ограничат цивилните жртви. Воедно, според израелските власти, цел на нападот бил член на палестинското движење Хамас, кој се наоѓал во близина на клиниката. Израелцитевтрврдат, дека тој учествувал во нападите на 7 октомври 2023 година.

И покрај днешниот напад, израелскиот премиер Бенјамин Нетанјаху, тврди  дека Израел и Хамас се приближуваат кон склучување на договор за 60 дневно примирје што е условено со ослободување на заложниците кои ги држи Хамас.