Во Старата чаршија се одржа 21. издание на Меѓународниот фолклорен фестивал „Фолклорните вечери на Чаршијата“, манифестација која собра фолклорни ансамбли од повеќе држави и во Скопје ја претставија богатата традиција, музика и народни игри од различни култури.
Претседателот на Советот на Општина Чаир, Мухамед Муртези, ги поздравил организаторите и ансамблите учесници, истакнувајќи го значењето на фестивалот за зачувување на културното наследство и зајакнување на пријателството меѓу народите.
Од Општина Чаир посочуваат дека со долгата традиција „Фолклорните вечери на Чаршијата“ остануваат една од најзначајните културни манифестации во летниот календар на Скопје, претворајќи ја Старата чаршија во место каде што се среќаваат културите, традициите и фолклорот од различни земји.
