Во Националната и универзитетска библиотека „Св. Климент Охридски“ – Скопје, вечер ќе се одржи Свечена академија по повод 1110 години од упокојувањето на Свети Климент Охридски и 100 години од починувањето на Крсте Петков Мисирков.
На свечената академија е предвидено поздравно обраќање да има директорот на НУБ „Св. Климент Охридски“ г. Јовица Никчевски, слово за Свети Климент Охридски ќе има архиепископот охридски и македонски г. г. Стефан, а омаж за Крсте Петков Мисирков претседателката на Советот за македонски јазик проф. д-р Веселинка Лаброска.
Во рамки на одбележувањето повеќе композиции ќе исполни хорот „Света Злата Мегленска“.
