Надлежните од ЈП „Чистота и зеленило“ Куманово, денеска информираа дека од понеделник започнуваат градежните работи за реконструкција на капелата на градските православни гробишта. Реконструкцијата се реализира во рамки на проект финансиски поддржан од Владата, а спроведен преку Општина Куманово, со цел да се подобрат условите и квалитетот на услугите што им се обезбедуваат на граѓаните.
-За време на изведувањето на работите капелата нема целосно да биде затворена. Реконструкцијата ќе се одвива во две фази, при што дел од просториите ќе останат во функција за непречено одвивање на погребалните обреди- изјави директорот на претпријатието, Сашо Томиќ.
Од претпријатието апелираат до верниците да покажат разбирање за време на реконструкцијата, да ги почитуваат поставените ознаки и упатствата и да се движат внимателно во делот каде што ќе се изведуваат градежните активности. Од ЈП „Чистота и зеленило“ замолуваат граѓаните да имаат трпение и разбирање за време на реализацијата на проектот.
