Општина Велес во соработка со ЈКП „Дервен“ во изминатите денови вршеше дистрибуција на нови канти за отпад за домаќинствата во селата: Башино Село, Црквино, Мамутчево, Дорутовец, Чолошево, Отовица и Новачани каде што беа поделени 410 канти, а во наредните денови ќе се дистрибуираат преостанатите во: Сојаклари, Раштани, Караслари, Оризари, Бузалково, Клуковец и Бела Вода. За сите овие населени места обезбедени се вкупно 1150 канти за отпад, информираа денеска од Општина Велес.
Додаваат дека со оваа инвестиција значително се подобруваат условите за правилно одлагање на комуналниот отпад, унапредување на јавната хигиена и заштита на животната средина во руралните средини
Тие порачуваат дека чистата околина е заедничка одговорност, а со заедничка грижа, како што велат, треба да создаваме поздрави и поуредени населени места во општината.
