За само неколку минутии Скопјани доживеаа апокалиптични сцени несвојствени за овој дел од светот. Откорнати кровови, градежен шут леташе низ воздух, уништени возила, откорнати дрвја, паднати гранки и најмалку 30-тина полесно повредени граѓани. Ветрот кој достиган и до 130 километри на час остави пустош зад себе. Настрадаа и клучни објекти – делумно е оштетена е болницата „8 Септември„, стара воена, прокисна и аеродромот во петровец, оштетен е и објектот на базенот во Капрош, претседателската „Вила Водно„, неколку министерства кои се наоѓаат во зградата на „Нова македонија„, повеќе од десетина згради, но и некои училишта останаа без кровови. За среќа нема жртви. Повеќето од 30-те луѓе кои побарале медицинска помош, се главно полесно повредени, и тоа главно од паднати гранки. Бројот 112 на центарот за управување со кризи буквално изгоре – регистрирани се над 9 илјади повици.
Граѓанка 1:
„Целиот кров го крена нагоре и падна од другата страна. Сите тие немаат кровови. Овие, руските, се доста оштетени – салонитките, има дупки…“
Граѓанин 2:
„Ја седев на тераса и овде од кровот, цела колку една кола, цел блок падна тука во Врдардац. Сега, прееска…“
Граѓанин 3:
„Преголема штета се направи. Што јас, еве, сум 73–4 години, не памтам вакво време.“
Граѓанка 4:
„Само што дојдов дома, значи почна нешто да се случува… викам: ‘Што е ова, торнадо ли е?’ Таа партерлита ја покриле, таа кровови…
Ден по силната бура, Скопје полека се опоравува. Се расчистуваат улиците, се тргаат паднатите дрвја, се крееваат лимовите и останатиот шут, но се бројат и штетите. Градоначалниците на скопските општини, ја минаа цела ноќ на терен. Сите улици се проодни, и речиси сите тротоари се веќе проодни. Градоначалникот на Скопје, Орце Ѓеоргиевски вели дека штетите се скоро санирани, а од градоначалниците ќе побара нивните градежни инспектори да излезат на терен и да утврдат зошто толку голем број кровови се откорнати од реновирани објекти.
„Најголем дел од пријавите се однесуваат на кровови оштетени, кровни конструкции, каде што ќе треба и да се утврди состојбата кој е изведувач – и тоа е една од точките коишто ќе ја разговараме денеска со моите колеги градоначалници – да нивните градежни инспекции (јас апелирав до нив уште во текот на вчерашниот ден) да утврдат кој е тој изведувач којшто работел на одредени позиции“, изјави Орце Ѓорѓиески, скопскиот градоначалник.
Не настрадаа само објекти. Голем дел од скопјани останаа и без своите возила, откако цели дрвја беа откорнати и паднаа врз нивните автомобили. Паднатите гранки од дрвјата и останатиот шут кој ветрот го крена во воздух се главните причини за повредите. Дваесет и двајца, од вкупно 30-тината повредени побарале помош во Клиниката за хируршки болести „Св. Наум Охридски” во Скопје. Двајца од нив, според директорот, биле примени на болничко лекување, додека другите се со полесни повреди и пушетни дома.
Во однос на штетите, градоначалникот вели дека тие брзо ќе бидат санирани, а граѓаните ќе бидат обештетени.
„Во однос на штетите, доколку општините – бидејќи општините се ресорни оние коишто би требало да помогнат во вакви случаи – доколку, ете, нивните капацитети се помали, ќе се вклучиме и ние во помош и поддршка за граѓаните“, додаде градоначалникот.
Бурата која удри врз Скопје е многу редок феномен за овој регион. Вакво силно невреме не е забележано во последниве десетина години.
