Јавното претпријатие „Комуналец“ – Неготино информира дека поради нарушен и нерамномерен дотур на вода од регионалниот водовод Лукар се јавуваат проблеми со полнењето на резервоарите за ниската и високата зона во градот.
Од претпријатието соопштуваат дека, и покрај напорите за одржување на стабилно водоснабдување, во наредните денови се можни ноќни рестрикции на водата, сè до нормализирање на дотурот од регионалниот водовод.
-Иако правиме сè што е во наш домен, поради намалениот дотур од водоводот Лукар, можни се ноќни рестрикции на водоснабдувањето. Се надеваме дека во најкраток можен период состојбата ќе се нормализира- наведуваат од ЈП „Комуналец“.
Од претпријатието апелираат до граѓаните рационално да ја користат водата во периодот додека траат проблемите со снабдувањето.
