– На Армискиот полигон „Криволак“, денеска ќе се реализираат активности од вежбата „Neptune Strike 26-03“ на која ќе учествуваат воздухоплови на земји-членки на НАТО, кои ќе бидат наведувани од два тима за наведување на борбена авијација (JTAC) од вооружените сили на Обединетото Кралство и македонската армија.
Вежбата „Neptune Strike 26-3“ се реализира од 17 до 23 јули 2026 година и обединува сојузнички поморски, воздушни, копнени и мултинационални сили со цел да се зајакне способноста на НАТО за интеграција и командување со мултинационални сили при изведување мултидоменски операции (Multi-Domain Operations – MDO) во рамките на единствен оперативен концепт, соопшти Генералштабот на Армијата.
