Во Командата на Балканските медицински наменски сили – БМНС, касарна „Илинден“ – Скопје, денеска, заменик-министерот за одбрана Адмир Шабани, ќе се обрати на свеченост организирана по повод примопредавањето на претседавањето со Управниот одбор на БМНС, примопредавањето на должноста омандант на БМНС, како и примопредавањето на обврската „рамковна земја“ на БМНС.
Со оваа свеченост, како што информираат од Министерството за одбрана, земјата ќе ги преземе командувањето со БМНС и позицијата „рамковна земја“, а претседавањето со Управниот одбор ќр го преземе Словенија.
На свеченоста ќе бидат одбележани два значајни јубилеи: 15 години од поведувањето на иницијативата за формирање на БМНС и 10 години од воспоставувањето и отворањето на Постојаната организација на БМНС со седиште во Скопје. Освен заменик-министерот, на свеченоста ќе се обратат и досегашниот и новопоставен командант на БМНС, полковникот Вељко Милиќ, полковникот Драганчо Војнески и амбасадорката на Норвешка, Кристин Мелсом.
