Зоран Герасимовски е новиот вршител на должност претседател на Апелацискиот суд Скопје.
Судскиот совет го постави Герасимовски, откако досегашната претседателка Мери Дика Георгиевска поднесе оставка на функцијата поради нејзиниот вчерашен избор за нова судијка на Уставниот суд. Во трката за привременото раководење со Апелација се најдоа двајца кандидати, по што членовите на Советот ја изгласаа одлуката раководната палка привремено да му се додели на Герасимовски.
Истовремено, Судскиот совет официјално ја активираше процедурата за трајно решение, донесувајќи одлука за распишување нов оглас за избор на редовен претседател на Апелацискиот суд Скопје.
