Заменик министерот за економија и труд, Марјан Ристески, денес го посети Центарот за вработување во Виница, при што оствари работна средба со вработените и раководителот на Центарот за вработување Орце Христовски.
На средбата се разговараше за реализацијата на мерките од Оперативниот план за вработување, со посебен акцент на интересот и одзивот на младите за користење на мерката за самовработување.
Заменик министерот Ристески истакна дека мерките за самовработување претставуваат значајна можност за младите луѓе да ги реализираат своите бизнис идеи, да стекнат претприемничко искуство и да создадат сопствена егзистенција.
-Ги охрабрувам сите млади кои имаат идеја, желба и амбиција да ги искористат можностите што ги нуди Оперативниот план. Инвестицијата во младите претприемачи е инвестиција во економскиот развој и во иднината на државата – порача Ристески.
На средбата беше нагласена важноста од продолжување на активностите за информирање и мотивирање на младите да ги користат мерките за вработување и самовработување, со цел поттикнување на претприемништвото и отворање нови работни мест.
