Коридорите конечно стигнаа до антикорупциска. Но, дали до Државната комисија за спречување на корупција е доставен целосниот договор како што го потпишале Груби и Бочварски, или од него се извадени делови како што споменуваше вицепремиерот наводно на барање на компанијата, не е познато. Антикорупционерите во моментов го разгледуваат и не знаат дали го имаат целосниот или сечен и лепен договорот. Доколку се појавел некој сомнеж велат ќе реагираат.
Државната комисија за спречување на корупцијата (ДКСК) го доби Договорот со американско-турскиот конзроциум „Бехтел и Енка“ што го побара како дел од документацијата за предметот што го отвори во однос на проектот за изградба на коридорите 8 и 10д по објавите во медиумите околу изборот на надзорот. Го побаравме договорот, го добивме и работиме на сите документи, што значи сега анализата е во тек“, изјави претседателката на ДКСК Билјана Ивановска.
Дури четворица советници ќе ги анализираат 400 те страни, на кои Владата стави параф , а никој не знае што пишува. Според Ивановска не може да се кажат рокови кога ќе се произнесат затоа што предметот им „тежи најмногу “ во антикорупциска.
Го формиравме тимот. Точно. Тимот е составен од четворица советници. Секој е специјалист во својата област. На пример, некој во јавни набавки повеќе, некој во делот за вработувањата. Имаме еден одличен истражувач, тој секако е вклучен. Советникот каде што по редовен пат, нели, по електронскиот систем се паднал предметот, членот на Комисијата Катица Николовска, јас се вклучив во предметот, така што со заеднички сили ќе истераме напре.
За Договорот со турско- американскиот кознорциум предмет отвори и Јавното обвинителство по допрен глас, поради објавите за избраната тројка која ќе го врши надзорот .
Договорот веќе не чинеше 117 милиони евра народни пари, а од изградбата освен две помпензи прослави, две табли , неколку багери во место и две маички , не видовме никаква градежна активност.
Кристина Алексиеска
