Градоначалникот на Општина Маврово и Ростуше, Онер Јакупоски оствари работна средба со Христина Јовчевска, која изминатиот период спроведе истражување за вработувањето на младите лица со попреченост во Македонија, информираа од општината.
За време на средбата, што се одржала вчера попладне во Ростуше, каде е седиштето на општината, се разговарало за предизвиците со кои се соочуваат младите лица со попреченост, особено во руралните средини.
Исто така станало збор и за можностите за подобрување на нивниот пристап до вработување и поголема социјална инклузија.
-Како локална власт остануваме отворени за соработка со младите, граѓанскиот сектор и сите релевантни чинители во креирањето иницијативи и политики што придонесуваат за еднакви можности, инклузивност и подобар квалитет на живот за сите наши граѓани, рекол меѓу другото Јакупоски.
Веруваме, додал, дека преку партнерство, дијалог и заедничко дејствување можеме да создадеме локална заедница во која секој млад човек ќе има еднаква можност да го оствари својот потенцијал.
Македонија
Македонија
Македонија
Прилог