Претседателот на Собранието, Африм Гаши, денеска остварил работна средба со вршителката на должност амбасадорка на Соединетите Американски Држави во земјава, Никол Варнес, на која биле потврдени одличните односи меѓу двете држави и стабилното партнерство засновано на заеднички демократски вредности и тесна институционална соработка.
Како што соопшти Собранието, на средбата соговорниците разговарале за парламентарната агенда и за актуелните институционални случувања во државата.
Притоа била нагласена важноста од ефикасно функционирање на демократските институции, зајакнување на улогата на законодавниот дом и унапредување на реформските процеси во интерес на граѓаните.
На средбата, исто така, била потврдена заедничката заложба за натамошно продлабочување на партнерството меѓу двете земји и за унапредување на стратешкиот дијалог, се наведува во соопштението од Кабинетот на претседателот на Собранието.
