Волонтери од Општинската организација на Црвен крст Битола одржаа симулациона вежба за брза интервенција и помош на загрозени лица во услови на голем топлотен бран.
Хуманата акција се одржа на Широк сокак и предизвика голем интерес меѓу повозрасните битолчани кои беа информирани за начинот како да се справуваат при топлотен бран, од кого да побараат помош, но и совети за почитување на препораките од надлежните институции во услови на топлотен бран каков што деновиве има во градот и регионот.
Младите волонтери на ОО на Црвен крст во Битола ќе продолжат со симулациони вежби и друг вид на помош која ја изучуваат од стручни лица во општинската организација.
