Во Дебар заврши традиционалниот тениски турнир „Добра Опен”, кој се одржа во рамки на манифестацијата „Дебарско лето 2026″.
На турнирот, на кој учествуваа 22 натпреварувачи, првото место го освои Ајет Мулареџа, професор во деветолетката „Пенестија”, кој го потврди успехот од минатото лето. Тој во финалниот дуел беше подобар од Шабан Троци.
Пехарите и медалите им ги врачи Африм Кркути, претседател на Советот на Општина Дебар.
Тој им честиташе на победниците, а на организаторите и учесниците им се заблагодари за успешната реализација на турнирот, истакнувајќи дека оваа спортска манифестација од година во година привлекува сè поголем интерес.
Кркути упати и посебна благодарност до сите натпреварувачи за покажаниот спортски дух, фер игра и придонесот во промоцијата на спортските вредности.
Во меѓувреме во тек е пријавувањето на екипи за фудбалскиот турнир во мал фудбал, кој почнува на 3 август на градскиот полигон.
