Уставниот суд денеска ја одржа 19. седница, на која, како што информира било дискутирано за оценување на уставност и законитост на осум предмет и по подготвени нацрт-одлуки за четири предмети.
Судот, како што информираат, поведе постапка за оценување на уставноста 41-а став 7 во делот „превозот“ од Законот за средното образование.
Одлуката е донесена едногласно.
Предметот У.бр.92/2025 е оформен по иницијатива на Уставниот суд по претходно доставен предлог на претседателот Дарко Костадиновски, а подносител на иницијативата се Добре Наумовски и Ана Марија Јордановска.
Судот не поведе постапка за оценување на уставноста на член 30 став 6, член 31 ставовите 1, 3 и 4, член 32 ставовите 2 и 5, член 47 став 3 и член 52 став 3 од Законот за заштита и благосостојба на животните.
Одлуката е донесена едногласно, а подносител на иницијативата е Адвокатско друштво „Менкиноски” преку Тони Менкиноски и Сања Трајановска Ташков.
Судот, информира дека, не поведе постапка за оценување на уставноста на член 33 став 1 во делот „трошоците“ од Законот за царински мерки за спроведување на заштита на правата од интелектуална сопственост.
Одлуката е донесена едногласно, а подносител на иницијативата е Игорчо Точев.
Судот, исто така, не поведе постапка за оценување на уставноста на член 52 став 9 алинеја 4, член 56 став 5 во делот „констатира“ и член 56 став 5 точка 3 и став 6 точка 2 од Законот за високото образование.
Одлуката е донесена со мнозинство гласови, а подносител на инцијативата е Игорчо Точев.
Судот не поведе постапка за оценување на уставноста на член 76 став 2 во делот „езера“ и член 192 од Законот за заштита на природата.
Одлуката е донесена едногласно, а оодносител на инцијативата е Игорчо Точев.
Судот ја отфрли иницијативата за поведување на постапка за оценување на уставноста на членот 48 став 2 во делот „се исплаќа од страна на Централниот регистар“ од Законот за едношалтерски систем и за водење на трговскиот регистар и регистар на други правни лица.
Одлуката е донесена едногласно, а подносител на инцијативата е Игорчо Точев.
Судот ја отфрли иницијативата за оценување на уставноста и законитоста на Одлука за ослободување од комунална такса за јавно осветлување бр.07-4554/14 од 31 мај 2012 година; Одлука за дополнување на одлуката за ослободување од комунална такса за јавно осветлување бр.07-1135/9 од 21 февруари 2013 година; Одлука за дополнување на одлуката за ослободување од комунална такса за јавно осветлување бр.09-4969/10 од 2 јуни 2022 година и Одлука за дополнување на одлуката за ослободување од комунална такса за јавно осветлување бр.09-1596/17 од 27 февруари 2023 година, на Општина Куманово.
Одлуката е донесена со мнозинство гласови, а подносител на иницијативата Синиша Стаменов.
Судот ја отфрли иницијативата за поведување на постапка за оценување на уставноста и законитоста на актот – Методологија за пресметка и исплата на пензии. Врз основа на добиено известување од страна на Фондот за пензиското и инвалидското осигурување на Северна Македонија, бр.10-1151/2 од 09.03.2026 година, Судот утврди дека посочениот акт – Методологија за пресметка и исплата на пензиите за кој со иницијативата се бара оцена на неговата уставност и законитост, од страна на Фондот не е донесен.
Одлуката е донесена едногласно, а подносител на иницијативата е Мирослав Трлин.
Судот, како што информираат, го укинa член 16 од Законот за изменување и дополнување на Законот за јавните набавки.
Одлуката е донесена едногласно, а подносител на иницијативата е Игорчо Точев.
Судот го укинa член 34 од Законот за изменување и дополнување на Законот за животната средина.
Одлуката е донесена едногласно, а подносител на иницијативата е Игорчо Точев.
Судот ја укинa Одлуката за поништување на одобрен урбанистички проект за село со намена А4.7 – куќи за потребите на селскиот туризам, во урбанистички план за село Сопиште на КП 1526/8 и КП 1532/5 КО Сопиште – Вонград, Општина Сопиште, бр.02-1509/1 од 29.05.2025 година, донесена од Советот на Општина Сопиште („Службен гласник на Советот на Општина Сопиште“ бр.6/2025).
Одлуката е донесена едногласно, а подносител на иницијативата е Државниот инспекторат за локална самоуправа.
Судот го укинa член 3 од Уредбата за престанување на важење, односно на примена на прописите опфатени со проектот регулаторна гилотина.
Одлуката е донесена едногласно, а подносител на иницијативата е д-р Ненад Гавриловиќ.
Од Уставниот суд информираат дека на седницата присуствувале седум судии.
