Засилени сообраќајни контроли за мопеди и електрични тротинети ќе бидат спроведени во наредниот период во Штип, најавија од Секторот за внатрешни работи (СВР)-Штип. Во соопштението од СВР-Штип се наведува дека контролите ќе бидат насочени кон санкционирање на бучави, брзо возње, опасно однесување со кое се загрозува безбедноста на граѓаните, користење задолжителна опрема, управување без соодветни дозволи, како и техничка исправност на возила. Од страна на СВР Штип упатуваат апел до сите учесници во сообраќјот да ги почитуваат законските прописи, да управуваат совесно и одговорно, со цел поголема безбедност и зачувување на јавниот ред и мир.
Инаку вакви контроли на територијата на Штип беа спроведени изминатиот викенд, кога беа приведени шест лица и изречени 55 мерки за возачи на мотоцикли, четирицикли и електрични тротинети. И понатаму од страна на полицијата апелираат возачите да управуваат совесно и одговорно.
