Во Општина Пехчево денеска се одржа работна средба со засегнати страни во рамките на проектот ADRISKY, во кој општината учествува како партнер.
На средбата свое излагање имаше експертот за светлосно загадување од Република Словенија, проф. д-р Милан Светец, кој го презентираше нацрт-стратешкиот документ – Територијален акциски план (Territorial Action Plan), изработен во рамките на проектот. Присутните имаа можност да се запознаат со предложените мерки и активности насочени кон намалување на светлосното загадување, заштита на животната средина и зачувување на биодиверзитетот.
Во дискусијата активно учество зедоа членовите на проектниот тим, како и градоначалникот на Општина Пехчево, при што беше истакната важноста на проектот и придобивките што тој ги носи за локалната заедница.
Присутните изразија задоволство од учеството на Општина Пехчево во проектот ADRISKY, нагласувајќи дека преку меѓународната соработка се овозможува унапредување на заштитата на животната средина, намалување на светлосното загадување и зачувување на природните вредности.
Од Општина Пехчево информираат дека и понатаму остануваат посветени на спроведување одржливи политики и активности, со цел подобрување на квалитетот на живот и создавање поздрава животна средина за граѓаните.
