СДСM, ДУИ и Таравари повторно покажаа дека имаат двојни аршини. Кога нивниот градоначалник на Гостивар, Валбон Лимани, вели дека не чувствува никаква одговорност за скандалот со водата, тие не кажуваат ниту еден збор.
Истите тие кои секојдневно зборуваат за одговорност и бараат оставки, денес молчат и го штитат својот кандидат, се посочува во соопштението од ВМРО-ДПМНЕ од денешната прес-конференција на Бране Петрушевски, пратеник на ВМРО-ДПМНЕ.
Очигледно, за СДСM, ДУИ и Таравари принципите важат само кога треба да нападнат политички противник. Кога се работи за нивните функционери, тогаш нема ниту одговорност, ниту морал, ниту оставки.
Граѓаните заслужуваат одговори, а не двојни стандарди. Зошто СДСM, ДУИ и Таравари не бараат реакција од општината за скандалот? Зошто општината по 3 дена од кога сите дознаа за скандалот се јави со прес-конференција? Зошто општинските служби немаат со прст мрднато?
Затоа што не се способни и мораше Владата предводена од ВМРО-ДПМНЕ да ја земе работата во свои раце. На граѓаните им е јасно што може да се очекува кога СДСM, ДУИ и Таравари се на власт.
