Невремето не ја погоди само Македонија. Зафатен беше поголем дел од Балканот. Предизвикани се штети и во Босна и Херцеговина и Хрватска. Но, за разлика од кај нас, таму штетите се далеку помали.
Гром синоќа удрил во стадо овци на планината Хрбина во Босна и Херцеговина, при што угинале околу 30 животни. Во Хрватска удар на гром предизвикал пожар во борова шума на подрачјето Осејава над Макарска. Претходно, Европскиот систем за предупредување од силни бури издаде највисоко, трето ниво на предупредување за делови од Балканот, поради ризик од разорни ветрови, крупен град и грмотевици.
