На Македонија и е наложено да му исплати 3.465 евра отштета на поранешниот директор на Управата за безбедност и контраразузнавање, Владимир Атанасовски. Европксиот суд повторно утврди повреда на човекови права во предмет поврзан со поранешни функционери од Македонија. Според пресудата е оценето дека домашните судови не понудиле доволно конкретни причини за продолжување на мерката притвор, а поднесените жалби не биле разгледувани во разумен рок. Покрај надоместокот за нематеријална штета, државата ќе треба да ги покрие и судските трошоци.
„Оваа одлука е конкретна за Владимир Атанасовски и за неговото предолго држење во притвор на кое ние укажувавме во целиот тек на постапката. Дури имаше и објавени разговори помеѓу тогашни обвинители и политичари, во кои се нарачува апсењето на Владимир Атанасовски. Треба да се преиспита одлуката бидејќи е утврдена и најпрво е одлучено да се исплати отштета во износ од околу 3 и пол илјади евра.“, изјави Јордан Апостоловски, адвокат на Владимир Атанасовски.
Ова не е прв пат Стразбург да утврди пропусти во постапувањето на македонското правосудство. Претходно, беше пресудено и во корист на поранешната министерка за внатрешни работи Гордана Јанкулоска, оценувајќи дека и било повредено правото на правично судење. За поранешниот министер за образование и наука пак, Спиро Ристовски беше утврдено дека неговиот домашен притвор за случајот „Организатори на 27 април“ бил неоправдано продолжуван без дадени доволно аргументи за таквата мерка, а државата беше задолжена да му исплати отштета. Во меѓувреме, Судот во Стразбург отвори и дополнителни прашања во уште еден предмет, барајќи објасување за тоа како незаконски прислушуваните разговори, познати како „бомбите“ на поранешниот премиер Зоран Заев, биле користени како клучен доказ во судските постапки и дали тие биле навистина фер. Со тоа, европскиот суд продолжува внимателно да го следи начинот на кој се воделе дел од најистакнатите судски процеси во држа
