Реклама

Се проширува достапноста на услугите на Алта банка – од понеделник се отвора експозитура во Прилеп

Костадиновски: Во 2023 година ѝ беше нанесен тежок удар на правната држава, се надевам грешките ќе бидат исправени

Мицкоски: За разлика од СДСМ и ДУИ кои се самоамнестираа, предлагаме закони кои ќе важат и за нас

Мицкоски: Состојбата во Европа е жестоко алармантна, но ќе се трудиме да нема поскапување

Мерко ја полнел Општина Струга со „фантомски“ административци – Ќура дели откази

Прилепската болница ги подобрува условите и за предвреме родените бебиња

Продолжуваат сопките околу надзорната расправа за „Алта банка“ – ВМРО-ДПМНЕ бара да продолжи утре, Лукаревска закажа седница за буџетот

Да не се шират лажни информации за „Стив Наумов“ – Делегацијата на ЕУ реагира по обвинувањата за лоши услови во домот

Раст што станува реалност, туризмот во септември со нови позитивни бројки

Нов удар на СДСМ врз монетарната власт: Со кривични пријави против Славески бараат НБРМ да биде обезглавена

Алта банка ќе преживее, проблем ќе биде како да се врати довербата во банкарскиот систем

Алта банка повторно функционира и со експозитура во Скопје, овозможена и исплата на плати и придонеси

Економија

Македонија има најниска цена на дизелот и бензинот, вели премиерот Мицкоски

Ако ги споредиме цените во регионот, ние имаме најниски цени на горивата,…

Сподели:
Фото: Алфа Вести

Ако ги споредиме цените во регионот, ние имаме најниски цени на горивата, изјави денеска премиерот Христијан Мицкоски одговарајќи на пратеничко прашање на Миле Талески. 

– Тоа кое што е важно е да се каже дека голема е разликата, како ние ја амортизиравме кризата и како голем дел од соседите ја амортизира кризата. Се согласувам дека беше историски најголема, се согласувам дека ефектите и резултатите беа жестоки и се согласувам дека кај нас овие три и половина месеци поминаа би рекол многу едноставно, бидејќи ние во ниту еден момент не создадовме паника, не очајувавме, не правевме панични прес-конференции, туку напротив работевме за граѓаните тоа да не го почувствуваат. И кој е резултатот? Резултатот е дека имаме најниски цени убедливо денеска и во текот на кризата, но денеска ако ги споредите цените, ние имаме убедливо најниска цена на горивата – порача Христијан Мицкоски на денешната седница. 

Претседателот Мицкоски направи компарација на цените на дизелот и бензинот, потенцирајќи дека Македонија има најниска цена на нафтата и бензинот споредбено со земјите од регионот.

Реклама

– Во Србија ако денеска наточите еден литар гориво, цената е 1,85 евра по литар, а ако наточите 95 октански бензин, тогаш е 1,63 евра по литар. Ако појдете во Хрватска, таму во зависност дали точите во градовите или на автопат, цената за нафта денеска се движи од 1,59 евра до 1,85 евра по литар, а за бензинот цената е 1,57 до 1,73 по литар. Во Словенија дизелот можете да го купите за 1,72, а безоловниот 1,60. Ако продолжите понатаму и стигнете до БиХ таму дизелот ќе го купувате за 1,50 евра, а безоловниот бензин за 1,46. Во Црна гора дизелот ќе го купувате за 1,55 евра, а безоловниот бензин за 1,59 евра. И потоа во Македонија, дизелот ќе го купите за 1,31, а безоловниот ќе го купите за 1,36. Од 20 до 50 евро центи е разликата од горивото кое што го точат граѓаните кај нас и граѓаните во овие земји – рече тој. 

Мицкоски рече дека ова е берзанска стока и изворите и берзите се горе долу исти што значи дека и цената би требало да е иста. Според него, оваа Влада работела со претприемачка логика.

– Начинот на кој што размислувавме беше сите оние изгубени даноци, бидејќи го намаливме данокот на додадена вредност и акцизите, да ги амортизираме со зголемена количина на продажба. И во тоа успеавме, бидејќи многу граѓани од Србија, Албанија, Грција доаѓаа кај нас и постоеја денови кога до 50 проценти беше зголемен конзумот на горивата кај нас. Ако внимателно следевте како ги читам цените, ќе забележите дека ние сме единствената земја каде што дизелот е поевтин од безоловниот – рече Мицкоски. 

Премиерот кажа дека во овој момент не се планираат дополнителни мерки бидејќи цените паѓаат.

– Очекуваме сега во понеделник, ако вака продолжат да паѓаат, уште едно уште поголемо намалување на цените на бензините и дизел горивото и на тој начин полека но сигурно да се вратиме на оние цени кои што беа кон крајот на февруари месец, оваа година. И со тоа очекуваме дел од транспортните компании да ги вратат цените – рече премиерот.