Од меѓуетнички односи, преку спортот, па се до координатор на проект вреден над 2 милијарди евра – со акумулацијата на функции во еден човек, во случајот вицепремиерот Артан Груби, власта испраќа јасна порака кој ја има моќта и кој одлучува во владата. Експертите сметаат дека во Македонија стан непишано правило, неквалитетните и неспособните луѓе да се поставуваат на високи позиции и да водат проекти кои се од клучно значење за нашата држава.
- „Воопшто не ме изненадува овој потег на премиерот и поставување на вицепремиерот условно да биде главен во сите зделки. Ако можеше на вицепремиерот да му се додели агенцијата за млади и спорт, а знаеме дека цело време упатуваа дека политиката не смее да влезе во спортот, а посебно меѓу младите, а доделува на министер којшто е за политички систем, се упатува јасна порака, ако тоа го прават, ова воопшто не е изненадување кога се поставува човек кој ги нема квалитеите за да води вакви круциални прокети кои се екстремно важни за Македонија“ дециден е Синиша Пекевски – аналитичар.
Тој вели дека како последица на ваквите случувања, граѓаните се изморени од политичката ситуација во Македонија и реакција на младите луѓе е масновното иселување односно желбата да заминат од тука.
Комуникологот Кордалов пак вели дека јасно е што сакаат од Владата да упатат како порака до јавноста со поставувањето на Груби како главен коррдинатор за инфраструктурни проекти.
- „Главната порака која се испраќа или сака да се испрати е дека позицијата на Груби како прв вицепремиер е силна и е една од главните одлучувачки во Владата, односно како прв заменик на актуелниот премиер. Втората порака која јас би очекувал да се испрати е ако се открие било каков обид или било каков случај на точна корпуција дека навистина ќе се превземат било какви акции. Третата работа која би сакал да ја видам е да се елаборира зошто и на кој начин е потребно таквото поставуавње и зошто во интерес на граѓаните таа позиција ќе придонесе за подобро водење за целиот процес“ вели Бојан Кордалов – комуниколог.
Ова е последна позиција од низата функции кои ги има десната рака на Ахмети, Груби е и прв вицепремиер,министер за политички систем, координатор на коридорот 8, а сите позиции ги доби со амин од Владата, премиерот не гледа причина зошто Груби не би бил главен координатор за инфраструктурни проекти, нешто што по сила на должност е по ингеренции на министерството за транспорт, Ковачевски само кажа дека сепак главени ке биле од министерстовото, ама Груби две години бил во управувачкиот комитет за коридорот 8 и си ја вршел работата.
Мери Симоновска
