Градоначалникот на Битола Тони Коњановски денеска учествуваше и се обрати на завршниот мултипликативен настан во рамките на Еразмус+ проектот „GivEUvoice – Materializing Youth Voices Across European Spaces” ( GivEUvoice – Остварување на гласовите на младите низ европските простори), финансиран од Европската Унија преку програмата Еразмус+.
Од секторот за односи со јавност на Општина Битола информираа дека проектот има за цел да го зајакне учеството на младите во процесите на донесување одлуки, да поттикне соработка помеѓу младите, граѓанските организации и локалните самоуправи и да придонесе кон развој на младинските политики во периферните региони на Европа.
-Младите се двигател на промените во нашето општество, а вашите идеи, енергија и труд имаат вредност и значење. Верувајте во себе, поддржувајте се меѓусебно и не се откажувајте при првата пречка- истакна градоначалникот Коњановски, на настанот организран од СФЕРА Интернешнал“, организација со која локалната самоуправа има потпишано меморандум за соработка.
Како што е познато во Општина Битола активно работи Локален младински совет, а со поддршка на општината функционира и Младински центар.
