Без додатоци за работа во смена, празници, минат труд, исплата на плата од 100денари до 15ти, а до крајот на месецот и остатокот од минималецот, вака чуварската служба на општинските згради вработени во „Никоб обезбедување„ ги добивале месечните приходи. Како потврда за непочитување на работничките права, преседателката на Гласен текстилец, на денешната прес конференција презентираше и документи. Станува збор за 163вработени, кои деновиве се под притисок да потпишат спогодбени откази. Сите што не сакаат да ги потпишат документите се распределуват по други општини. Таков е примерот со работник од Пробиштип, кој добил насоки дека треба да ја обезбедува општинската зграда во Куманово.
- „Работниците едвај и минималец не земаат. Сега им се касне и со една плата, МПИ се уште не е поминат иако помина 15. Немаат здравство, немаат никакви надоместоци и додатоцина плата. К-15 со години земаат по 100денари… Работниците се ставени во незавидна ситуација, им се прават притисоци да го потпишат тој спогодбен отказ. Не е ништо што го немаме видено. Лани исто ни се случуваше со вработените во Никоб лаб и Никоб медикал. СЕга повторно апелирам„-изјави Кристина Ампева, претседател на ЗГ„Гласен текстилец„-Штип.
Службата за општи и заеднички работи и Никоб тендерот го имат склучено во 2021 година. Според договорот, истиот е валиден до септември 2024 или до исцрпување на средствата во висина од 200милиони денари. Ампева открива дека истиот е со назнаки деловна тајна и побара Владата и конкретната служба да одговорат зошто не реагира и покрај толкуте неправилности. Од Владата пак категоични дека нема да коментира детали кои се однесуват на политиките на приватните компании. Но, Ампева децидна дека договорот ги обврзува да внимаваат дали се кршат работничките права.
- „Не може да се оградуваат, бидејќи во самиот договор се имат потпишано и велат дека ќе се следат законските прописи. Не можат да се оградат ниту дека договорот е склучен на 3години. Работниците се со важечки договор„ вели Кристина Ампева од Гласен текстилец.
Од Никоб тврдењата на Гласен текстилец ги оцени како тенденциозни и непрофесионални,а новата прераспределба се должи на намалувањето на часовите односно од 24,сега на 12 часовно физичко обезбедувањ
Минатата недела здружението достави барање за инспекциски надзор и сег се чека одговор од Државниот инспекторат за труд и Управата за јавни приходи.
Александра Ристевска
