Водата за пиење на скопската територија е безбедна и со добар квалитет, покажале денешните анализи на Јавното претпријатие „Водовод и канализација“ – Скопје.
Како што информираа попладнево од јавното претпријатие, од страна на секторот Санитарна контрола во текот на денов биле земени 39 примероци од водоводната мрежа на градот Скопје.
Од јавното претпријатие потсетија дека на сите примероци им се изработува физичко-хемиска и микробиолошка анализа согласно Правилникот за барања за безбедност и квалитет на водата за пиење во акредитираните лаборатории при секторот Санитарна контрола.
– Согласно добиените резултати од испитувањата, сите примероци од водоснабдителниот систем на град Скопје одговараат на Правилникот за барања за безбедност и квалитет на водата за пиење – соопштија од јавното претпријатие.
